«Дәндерді тастама – табиғатқа мүмкіндік бер» экологиялық акциясы

«Таза Қазақстан» жалпыұлттық бастамасы аясында балалар мен жастардың табиғатқа ұқыпты әрі жауапкершілікпен қарауын қалыптастыру, қоршаған ортаны қорғауға деген сүйіспеншілігін арттыру мақсатында «Дәндерді тастама – табиғатқа мүмкіндік бер» экологиялық акциясы ұйымдастырылды. 🌿
Акция барысында 7-сынып оқушылары мектеп үлескесіндегі гүл тұқымдарын жинап, алдағы көктемгі маусымға дайындық жұмыстарын жүргізді. Сонымен қатар мектеп аумағындағы өздеріне бекітілген учаскелерді қоқыстан тазартып, ретке келтірді.
Оқушылар табиғаттың әрбір дәні мен әрбір талшығының маңызын түсініп, қоршаған ортаны таза ұстау – әр адамның ортақ міндеті екенін іс жүзінде көрсетті.
🌼 Табиғатты аялау – үлкен істерден емес, кішкентай игі қадамдардан басталады. Бүгінгі жиналған әрбір дән – ертеңгі жайқалған гүлдің бастауы!