АТАМЕКЕН – АЛТЫН БЕСІГІМ, ҚАЗАҚСТАН – МАҚТАНЫШЫМ!

Республика күніне орай 5-сынып оқушылары арасында «Атамекен» тақырыбында диктант жазу жұмысы өткізілді.
Туған жер – әр адамның жүрегіне ең ыстық, жанына ең жақын қасиетті мекен. Оның кең байтақ даласы, асқар таулары мен мөлдір көлдері – халқымыздың баға жетпес байлығы. Атамекенді ардақтау, ел тарихын құрметтеу, тәуелсіздікті бағалау – өскелең ұрпақтың асыл парызы.
Диктант жазу арқылы оқушылар сауатты жазу дағдыларын жетілдіріп қана қоймай, Отанға деген сүйіспеншіліктерін тереңдете түсті.
Туған жеріміз тұғырлы, тәуелсіздігіміз ғұмырлы, көк туымыз мәңгі биікте желбіресін!