1 «А» сыныбында «Менің елім – Қазақстан» тақырыбында сынып сағаты өткізілді. Оқушыларға еліміздің мемлекеттік рәміздері мен ұлттық валютасы – теңге туралы түсінік берілді. Сынып сағаты барысында оқушылар жеке, жұптық және топтық жұмыстар орындап, мақалдардың жалғасын тапты. Астана қаласының көрікті орындары – «Бәйтерек», «Хан Шатыр» және ЭКСПО нысандарының суреттерін қиып, құрастырды. Сонымен қатар Отан туралы боямақтарды бояу арқылы туған жерге деген сүйіспеншіліктерін арттырды.