БОЛАШАҚҚА БАСТАР ЖОЛ: ҚАЕУ-МЕН КӘСІБИ БАҒДАР КЕЗДЕСУІ

Мектебіміздің 11-сынып оқушыларымен Қазақстан-Американдық еркін университетінің (ҚАЕУ) өкілдері кәсіби бағдар беру мақсатында кездесу өткізді.

Кездесу барысында университеттің білім беру мүмкіндіктері, қазақстандық және американдық бағдарламалары, халықаралық тағылымдамалар мен шетелдік оқытушылармен білім алу мүмкіндіктері таныстырылды.

Сонымен қатар оқушылар менеджмент, ақпараттық жүйелер, шетел тілі және аударма ісі, халықаралық қатынастар, туризм бағыттары бойынша ақпарат алып, болашақ мамандықтарын таңдауға қатысты сұрақтарына жауап алды.

✨ Мұндай кездесулер жас түлектердің кәсіби бағдарын айқындап, саналы таңдау жасауына жол ашады. Өйткені дұрыс таңдалған мамандық — жарқын болашақтың бастауы!