Қауіпсіздік — ортақ жауапкершілік!

Оқушылардың құқықтық сауаттылығын арттыру, қауіпсіздік мәдениетін қалыптастыру және құқық бұзушылықтардың алдын алу мақсатында мектеп инспекторымен кездесу өткізілді.
Кездесу барысында оқушыларға буллинг пен кибербуллингтің алдын алу, интернет кеңістігіндегі қауіпсіздік, қоғамдық орындарда өзін-өзі ұстау мәдениеті және көшеде жүру ережелері туралы жан-жақты түсіндіру жұмыстары жүргізілді.
Сонымен қатар Есірткі заттарының зияны, оларды қолдану мен таратуға байланысты қауіп-қатерлер, күмәнді ұсыныстардан сақтану және заң талаптарын сақтау мәселелеріне ерекше назар аударылды. Оқушыларға есірткіге қатысты заңсыз әрекеттерге араласпау, бейтаныс адамдардың күмәнді ұсыныстарына ермеу және қауіп төнген жағдайда сенімді ересектерден көмек сұрау қажеттігі түсіндірілді.
Сондай-ақ оқушыларға күнделікті өмірде қауіпсіздік талаптарын сақтау, өз құқықтары мен міндеттерін білу, әрбір әрекетіне жауапкершілікпен қарау және түрлі қауіпті жағдайларда дұрыс шешім қабылдау жөнінде маңызды ақпараттар берілді.
Кездесудің басты мақсаты — әрбір оқушының қауіпсіз ортада білім алып, саналы әрі жауапты азамат болып қалыптасуына ықпал ету.
*Қауіпсіздік — ортақ жауапкершілік!* Өз құқығыңды біл, өзгені құрметте, зиянды әдеттерден аулақ бол және қауіпсіздігіңді сақта!