«Экология» тақырыбында танымдық сабақ өткізілді

Орыс тілі пәнінің мұғалімі Камила Қуанышқызы  жазғы лагерьде «Экология» тақырыбында танымдық сабақ өткізді.

Сабақ барысында оқушылар экология туралы жалпы түсінік алып, «Табиғат және қоршаған орта», «Қоқыс пен тазалық», «Тазалық – тәртіп кепілі» тақырыптарын талқылады. Балалар табиғатты қорғау, қоршаған ортаны таза ұстау және экологиялық мәдениетті қалыптастыру жөнінде өз ойларымен бөлісті.

Сабақтың ерекше бөлімі – «Мен табиғат қорғаушысымын» атты челлендж болды. Оқушылар табиғатты аялауға шақыратын мазмұнды экологиялық плакаттар дайындап, шығармашылық қабілеттерін көрсетті.

Мұндай іс-шаралар жас ұрпақтың табиғатқа деген сүйіспеншілігін арттырып, қоршаған ортаға жауапкершілікпен қарауға тәрбиелейді.