5–7-сынып ұлдарының қатысуымен тәрбие бағытындағы маңызды тақырыптарды қамтыған жиналыс өткізілді

Мектебімізде 6 қарашада 5–7-сынып ұлдарының қатысуымен тәрбие бағытындағы маңызды тақырыптарды қамтыған жиналыс өткізілді.
Жиналыстың негізгі мақсаты – оқушылардың бойында тәртіптілік, мәдениеттілік, жауапкершілік қасиеттерін қалыптастыру, қауіпсіздік ережелерін сақтауға және интернет кеңістігінде әдепті қарым-қатынас жасауға тәрбиелеу.
Кездесу барысында төмендегі мәселелер кеңінен талқыланды:
🔹 «Оқушы тәртібі – мәдениеттілік пен жауапкершіліктің белгісі» – мектептегі тәртіп сақтау, мұғалімдер мен сыныптастарға құрмет көрсету, оқушының өз іс-әрекетіне жауапкершілікпен қарауы туралы айтылды.
🔹 «Әлеуметтік желілердегі қарым-қатынас мәдениеті, ойынға тәуелділіктің салдары» – интернеттегі әдептілік, жеке ақпаратты қорғау, гаджеттегі ойындардың ережесі түсіндірілді.
🔹 «Мектепке әкелуге рұқсат етілмейтін қауіпті және тыйым салынған заттар» – оқушыларға мектеп аумағында қауіпсіздік талаптарын сақтау, тыйым салынған заттарды алып келудің салдары және өз өмірі мен өзгелердің қауіпсіздігіне жауапкершілікпен қарау қажеттігі ескертілді.
Жиналыс барысында ұл балаларға әрбір әрекеттің өз салдары болатыны, нағыз азаматтың бойында тәртіп, әдеп, жауапкершілік пен сыйластық болуы керектігі ерекше атап өтілді.
Тәртіпті ұл – тәрбиелі ұрпақ, жауапты азамат – жарқын болашақ кепілі!