«Адал азамат қандай болады? Оның қасиеттері қандай?» тақырыбында тәрбие сағаты өткізілді

7 «Б» сыныбында «Адал азамат» біртұтас тәрбие бағдарламасы аясында «Адал азамат қандай болады? Оның қасиеттері қандай?» тақырыбында тәрбие сағаты өткізілді.

Тәрбие сағатының негізгі мақсаты – оқушылардың бойында адалдық, әділдік, жауапкершілік, шыншылдық пен адамгершілік қасиеттерін қалыптастыру, жақсы мен жаманды ажырата білуге баулу.

Сабақ барысында оқушылар тақырып төңірегінде ой бөлісіп, өз көзқарастарын ортаға салды. Топтық, жұптық және жеке жұмыстар арқылы адал азаматтың бейнесін талдап, күнделікті өмірден мысалдар келтірді. Әр тапсырма оқушыларды өз әрекеттеріне сын көзбен қарауға, дұрыс шешім қабылдауға және өзгенің пікірін құрметтеуге жетеледі.

Адал азамат болу – тек шындықты айту емес, әр ісіңе жауап беру, уәдеге берік болу, әділдікті ту ету және айналаңа ізгілікпен қарау.

Өйткені адалдық – адам бойындағы ең асыл қасиеттердің бірі, ал ел болашағы – осындай құндылықтарды жүрегіне серік еткен жас ұрпақтың қолында!