Республикалық ғылыми жобалар конкурсы

Қазақстан Республикасы Білім және ғылым министрлігінің 2022 жылғы  10-ақпандағы №43 бұйрығына сәйкес, «Дарын» республикалық ғылыми-практикалық орталығы ағымдағы жылдың 21-25 ақпан күндері аралығында жалпы білім беретін пәндер бойынша республикалық ғылыми жобалар конкурсының (бұдан әрі – Конкурс) қорытынды кезеңін өткізді.
Конкурс Шымкент қаласының дене шынықтыру және спорт басқармасының «Шымкент қаласының Жоғары спорт шеберлігі мектебі» базасында барлық санитарлық-эпидемиологиялық нормаларды сақтай отырып, Халықаралық формат үлгісінде офлайн форматта өткізілді.
Конкурсқа 595 жобамен 748 оқушы қатысты, оның ішінде 87 оқушы ауылдық жерлерден келген оқушылар. Конкурстың ережесі бойынша қорытынды кезеңнің қатысушылар санының 45%-ы Қазақстан Республикасы Білім және ғылым министрлігінің І,ІІ,ІІІ дәрежелі дипломдарымен марапатталады.
🏆Мектебіміздің 11 сынып оқушысы Ақбанова Еркежан экономика секциясы бойынша «Кәсіпкерліктегі инновациялар мен әлемдік, аймақтық және жастардың трендтері» атты жобамен қатысты. Нәтижесінде 1 дәрежелі диплом,медаль және С.Аманжолов атындағы Шығыс Қазақстан университеті грант иегері атанды.