Құттықтаймыз!!!

Жалпы білім беретін пәндер бойынша республикалық ғылыми жобалар конкурсының қорытынды кезеңі 9-12 ақпан аралығында онлайн режимде өтті

Конкурс дәстүрлі түрде жыл сайын төрт бағыт бойынша өткізіліп келеді: «Ғылыми-техникалық прогресс – экономикалық өсудің негізгі буыны», «Экономикалық және әлеуметтік процестерді математикалық модельдеу», «Таза табиғи орта – Қазақстан – 2050 стратегиясын іске асырудың негізі», «Қазақстанның тарихи ескерткіштері және болашақ дамуы бар саяхат бағдарлары».

Конкурстың бірінші кезеңіне 18 557 оқушы тіркелсе, екінші кезеңінде 8268 оқушы, ал үшінші кезеңіне 945 оқушы қатысқан болатын. Қорытынды кезеңге еліміздің барлық аймақтарынан 576 жоба ұсынған ең үздік 750 оқушы қатысады.

Қорытындысында   «Тарих» секциясы бойынша 10 «а» сынып оқушысы Зеренбеков Берікжан «Фараби мен Абай мұраларының ұлттық идеясы» атты жобамен қатысып МОН РК I дәрежелі дипломдары  және алтын медальмен марапатталды.  Жетекшісі тарих ғылымдарының кандидаты Чекетаева Р.С. Ал «Қолданбалы математика» секциясы бойынша 9 «в»  сынып оқушысы Ержанова Жанзада «Рело үшбұрышы» атты тақырыппен қатысып 2 орын грамотамен марапатталды.  Жетекшісі: математика пәні мұғалімі Калимолдина Г.К.