4 «А» сыныбы оқушылары арасында «Мақал – сөздің мәйегі»

5 қыркүйек – Қазақстан халқы тілдері күніне орай ана тіліміздің қадір-қасиетін дәріптеу, оқушылардың сөздік қорын молайту және ұлттық мұраға деген сүйіспеншілігін арттыру мақсатында 4 «А» сыныбы оқушылары арасында «Мақал – сөздің мәйегі» тақырыбында мақал-мәтелдер сайысы ұйымдастырылды.
Сайыс барысында оқушылар қазақ халқының даналығы мен ғасырлар бойы жинақталған өмірлік тәжірибесін танытатын мақал-мәтелдерді мәнерлеп айтып, өз білімдері мен тапқырлықтарын көрсетті. Ұлттық сөз өнеріне деген қызығушылық танытқан шәкірттер белсенділік пен білімділік танытып, тартысты додаға қатысты.
Жарыс қорытындысы бойынша үздік өнер көрсеткен оқушылар анықталып, арнайы марапаттарға ие болды.
Тіл – халықтың жаны, ұлттың рухы. Ана тіліміздің мәртебесін асқақтату – әрбір азаматтың парызы!