Жалпы мектепішілік ата-аналар жиналысы

16 қыркүйек 2022 ж. ШҚО ББ Өскемен қаласы бойынша білім бөлімінің «Қ.Нұрғалиев атындағы №43 мектеп-лицейі» КММ-де жалпы мектепішілік ата-аналар жиналысы өтті. Күн тәртібінде 2021-2022 оқу жылындағы оқу-тәрбие процесінің қорытыдысы және жаңа оқу жылын ұйымдастыру ерекшеліктері қаралды. Жиналысқа №1 емхана дәрігері Калиолданова Д.Қ. қатысып, «Ерте жүктіліктің алдын алу» тақырыбында, сонымен қатар Үлбі полиция бөлімінің кәмелетке толмағандар істері жөніндегі инспекторы Төкенова А.А. «Балалардың құқығы, қатыгездік пен зорлық-зомбылықтың, жыныстық қол сұқпаушылыққа қарсы қылмыстың алдын алу» тақырыбында дәрістер оқылды. ОШС әлеуметтік қолдау орталығының маманы Даутханова З.О. әлеуметтік-психологиялық қызметтері жайлы баяндама жасады. Отбасындағы экологиялық тәрбие негіздерін қалыптастыру мәселесіде күн тәртібінде қаралды. Оқушылардың бос уақытын тиімді ұйымдастыру мақсатында ОШС қосымша білім беру мамандары өздерінің үйірме, секция жұмыстары туралы ақпарат берді.