Сәнге айналған тақия жайында шеберлік сағат өтті.

Бізде темірқазықтай жол нұсқап тұратын салт-дәстүріміз, әдет-ғұрпымыз, атадан балаға мирас болған ұлттық киімдеріміз бар. Сондай-ақ, асылдың сынығы саналатын «алтын тәжіміз» бар. Бүгін ШҚО жасөспірімдер мен балалар кітапханасында сәнге айналған тақия жайында шеберлік сағат өтті. Шараға келген қонақ сәндік-қолданбалы өнер шебері, ұстаз Үмбетова Айжан Төлеуханқызымен «Заманауи қазақи ою-өрнек» атты тақырыбында сөз өрбіді. Қазіргі трендтегі тақияларды тігуін, оны әшекейлеу барысын жастарға анықтап көрсетіп берді. Айжан Төлеуханқызы құрақ құраудың қыр-сырында айтып, өз қолынан шыққан туындыларын көрсетіп, құрақ құраудың мән-мағынасы терең екеніне тоқталды.