«Шығыстың нарқасқасы» атты шығармашылық кеш

23 қыркүйек 2022 жылы 8 «А» сынып оқушылары Облыстық балалар және жасөспірімдер кітапханасына дарынды режиссер, сатирик Марат Сақатовты еске алу мақсатында «Шығыстың нарқасқасы» атты шығармашылық кешке қатысты. Шара қатысушылары М.Сақатовтың өмірімен және шығармашылығымен, ол туралы жазылған кітаптармен танысып, режиссердың «Бірге күлейік» жинағынан сатиралық әңгімелерден үзінділерді рөлдерге бөліп оқыды. Марқакөл мәдениет үйінде кезінде бірге қызмет атқарған әріптесі туралы облысымызға танымал әнші Ерболат Матабаев естеліктерімен бөліссе, ал кітапхана қызметкері А.Бахтиярова танымал өнер иесімен бірге жұмыс атқарған кездерін есіне алып, М.Сақатовты балаларға жаңа бір қырынан көрсетті.