Ішкі істер министрлігіне қарасты жоғары оқу орындары туралы кең көлемді ақпарат берілді

Бүгін мектебімізде оқушылармен кездесу өткізіліп, Қазақстан Республикасының Ішкі істер министрлігіне қарасты жоғары оқу орындары туралы кең көлемді ақпарат берілді. Кездесуге Патрульдік полиция батальонының командирінің орынбасары, полиция майоры Комеков Сымбат Жаныбекұлы және Патрульдік полиция батальонының аға инспекторы, полиция капитаны Жасболатов Қанат арнайы келіп, оқушыларға полиция саласындағы білім алу мүмкіндіктерін түсіндірді.Кездесу барысында оқушыларға ҚР ІІМ-не қарасты жоғары оқу орындары, олар дайындайтын мамандықтар және полиция қызметіндегі мүмкіндіктер туралы толық ақпарат берілді. Сондай-ақ курсанттарға ұсынылатын жеңілдіктер, қабылдау талаптары мен спорт нормативтері түсіндірілді. Қызметтегі болашақ, лейтенант шенін алу жолдары және 100% жұмысқа орналасу мүмкіндіктері де айтылды.