Аттестат – тек білімнің куәсі ғана емес, жарқын болашаққа бастайтын маңызды қадам!

Бүгін мектебімізде ерекше толқынысқа толы, жүрекке жылы әсер сыйлаған салтанатты сәт өтті. 11-сынып түлектеріне жалпы орта білім туралы аттестаттар табысталды.

Мектеп қабырғасында алған білім мен тәрбие, ұстаздардың ақыл-кеңесі мен ата-аналардың қолдауы түлектерді үлкен өмірге қанаттандырып шығарып салуда. Аттестат – тек білімнің куәсі ғана емес, жарқын болашаққа бастайтын маңызды қадам.

Құрметті түлектер! Алдағы өмір жолдарыңыз ашық, армандарыңыз асқақ, мақсаттарыңыз айқын болсын! Еліміздің өркендеуіне үлес қосатын білімді де білікті азамат болып қалыптасуларыңызға тілектеспіз.

Ақ жол, жас түлектер!