«Біз Тәуелсіз ел болашағы» атты жоба сайысы

10 желтоқсанда 10-сынып оқушылары арасында ШҚО білім басқармасы Өскемен қаласы бойынша білім бөлімінің   ұйымдастыруымен өткізілген  «Біз  Тәуелсіз ел болашағы» атты жоба сайысында мектеп командасы 2-орын алып, мадақтамамен марапатталды.   Мектебіміздің 5 оқушысынан құалған "Аманат арқалаған арғымақтар" командасы өзінің арнайы таныстыруы мен эмблемасын әзірлеген. 1991 жылдан бастап қазіргі уақытқа дейінгі аралықтағы Тәуелсіз Қазақстанның тарихында орын алған ерекше маңызды оқиғаларға тоқтала отырып, Сanva арқылы әзірленген жобаларын ұсынды. Сайысқа қаланың 33 мектебі қатысып бақ сынаған.  Жоба қорғауға 5 минут уақыт берілген. Сол уақытты команда құрамы нақты жүйелеп, әр оқушы жеңіске өз үлесін қоса білді. Жобаның қорытындысын 7 санымен байланыстыра отырып, Мәңгілік Еліміздің өрлеуіне байланысты ойларымен түйіндеді.