Ата-аналарға арналған жадынама

Ата-аналарға арналған жадынама

«Бала зорлық-зомбылықтың құрбаны болмау үшін не істеуі керек»

v Балаға ересек адамдардан қауіп төнген жағдайда «ЖОҚ» деп айтуды үйретіңіз.

v Егер біреу оны ұстауға әрекет етсе, балаға «Бұл менің әкем емес (анам емес)» деп даусын шығарып айқайлауды үйретіңіз. Бұл айналасындағылардың назарын аудартады және қылмыскерді қаймықтырады.

v Балаға қайда баратынын, қай бағытпен, қай уақыттақайтатынын, кіммен болатынын хабарлап отыруды, егерде жоспары өзгеріп жатса қоңырау шалу қажет екенін үйретіңіз.

v Баланы балабақшадан және мектептен өзіңіз алуға тырысыңыз.
Егер басқа біреу алатын болса, алдын ала ескертіңіз.

v Балаға құпия сөз ойлап табыңыз. Бұл құпия сөз балаға білмеген бөтен адамдармен бірге кетпеуі немесе бөтен көлікке отырмауы үшін керек.

v Балаға жалғыз жүргеннен гөрі достарымен бірге қыдыру қауіпсіз екенін жеткізіңіз. Жалғыз қыдырған бала қылмыскердің назарын өзіне аудартады.

v Баланы жылына бір рет фотосуретке түсіріңіз. Тым болмағанда сізде жаңа фотосуретіболады.

v Балалардың Интернетте еркін отыруына жол бермеңіз. Баланың әлеуметтік желідегі өміріне белсене атсалысыңыз.

v Балаға Интернет желісіндегі қауіптілік туралы айтып ескертіңіз. Егер бала басқа Интернет қолданушы тарапынан келеңсіздікке немесе зорлық-зомбылыққатап болған жағдайда, оған дереу жақын адамдарына хабарлау керектігін түсіндіріңіз.