«Салауатты өмір салты – көтеріңкі көңіл-күй» атты денсаулық сағаты

Денсаулықты нығайту мен сақтау ағзаның дұрыс дамуын қамтамасыз етеді. Гигиеналық ережелерді орындау өскелең ұрпақ үшін аса маңызды екені сөзсіз. Осыған орай 5 «В» сынып оқушыларына «Салауатты өмір салты – көтеріңкі көңіл-күй» атты денсаулық сағатын ұйымдастырды.
Денсаулық қадірін сақтай білуге тәрбиелейтін шарада оқушылар «Салауатты өмір салты дегеніміз не?», «Салауатты әдеттерді ата?», «Дұрыс тамақтану дегеніміз не?», «Жеке бас гигиенасы туралы не білеміз?», «Зиянды әдеттерден қалай арылуға болады?», осы сынды сауалдарға жауап берді.
Оқушылар пайдалы ақпаратпен танысып қана қоймай, зиянды фаст-фуд өнімдерінің түрлері жайлы да баяндады.
Шара соңында «Тіршіліктің арқауы-салауатты болашақ» тақырыбында қорытындыланып, тақырыпқа сай кітаптар таныстырылды.