БІРЫҢҒАЙ РЕСПУБЛИКАЛЫҚ ПЕДАГОГИКАЛЫҚ КЕҢЕС
29.08.2025ж
ШҚО ББ Өскемен қаласы бойынша білім бөлімінің «Құмаш Нұрғалиев атындағы №43 мектеп-лицейі» КММ-де
«Білім беру ұйымының 2025–2026 оқу жылындағы білім беру саясаты мен басымдықтары» тақырыбында №1 педагогикалық кеңес өтті.
📚Педагогикалық кеңеске ШҚО ББ Өскемен қаласы бойынша білім бөлімінің әдістемелік кабинет меңгерушісі: Нургуль Тлеубековна Капчикова және «Өрлеу» БАҰО АҚ «ШҚО бойынша Кәсіби даму институты» филиалы аға оқытушысы: Ардақ Нұрахметовна Камзина қатысты.
📚Мектеп директоры Жанагуль Аскаровна Шаянбаева ұстаздарды жаңа оқу жылының басталуымен құттықтай отырып, педагогикалық кеңестің мақсат және міндеттерімен таныстырып өтті.
📚 15.08.2025 ж. Астана қаласында өткен республикалык Тамыз
конференциясында мемлекет басшысы Қасым-Жомарт Кемелұлы Тоқаев атап өткен білім беру
саласындағы негізгі басымдықтарға тоқталды.
1. Жаңа оқу жылында білім беру ұйымының жұмысының басымдықтары мен негізгі бағыттары тыңдалды. 2025–2026 оқу жылында білім сапасын арттыру, тәрбиелік жұмыстарды жетілдіру, цифрлық технологияларды енгізу және мұғалімдердің кәсіби құзыреттілігін дамыту негізгі міндет ретінде белгіленді.
2. 2025–2026 оқу жылына арналған жылдық жұмыс жоспары талқыланып, бекітілді.
3. Мектептің ұйымдастырушылық-шаруашылық қызметі қаралып, оқу кабинеттерін жабдықтау, санитарлық талаптарды сақтау және қауіпсіздік шараларын қамтамасыз ету жұмыстары нақтыланды.
Сонымен қатар, педагогикалық кеңес барысында ұстаздар өз пікірлерін білдірді. Күн тәртібінде қаралған барлық мәселелер бойынша жеке-жеке шешімдер қабылданып,орындалу мерзімі мен жауапты тұлғалар бекітілді.