Гинеколог және психолог мамандармен кездесу өтті

5–7 сынып қыздары арасында «Қыз балалардың жыныстық жетілуі» тақырыбында маңызды әрі тағылымды кездесу ұйымдастырылып өткізілді. Кездесуге гинеколог және психолог мамандары қатысып, оқушыларға жасөспірімдік кезеңдегі физиологиялық және психологиялық өзгерістер туралы жан-жақты мәлімет берді.

Мамандар қыз балалардың денсаулығын күту, жеке гигиена сақтау, өз-өзіне деген құрмет пен сенімділік қалыптастыру жайында пайдалы кеңестерімен бөлісті. Сонымен қатар, оқушылар өздерін толғандырған сұрақтарын қойып, ашық әрі еркін форматта пікір алмасты.

Бұл кездесу жасөспірім қыздардың дұрыс ақпарат алып, өз денсаулығына жауапкершілікпен қарауына ықпал ететін маңызды шара болды.