Қыздардың гигиенасы мен денсаулық негіздері тақырыбында кездесу өтті

Бүгін мектебімізде қыз балаларға арналған маңызды әрі тағылымды кездесу өтті. Астана қаласынан арнайы келген маман "Қыздардың гигиенасы мен денсаулық негіздері" тақырыбында пайдалы ақпараттармен бөлісті.

Кездесу барысында жеке бас гигиенасын сақтау, денсаулықты күту, дұрыс тамақтану мен өмір салтын қалыптастыру туралы кеңестер айтылды. Оқушылар өздерін қызықтырған сұрақтарын қойып, нақты жауаптар алды.

Осындай тәрбиелік мәні зор кездесулер жасөспірімдердің денсаулығын нығайтуға және саналы көзқарас қалыптастыруға үлкен септігін тигізеді.