Кәсіптік бағдар беру кездесу өтті

Болашаққа нық қадам: Еуразиялық білім беру көрмесінде болдық!
Бүгін біздің мектептің 10-11 сынып оқушылары Өскемен қаласындағы С. Аманжолов атындағы ШҚУ базасында өткен III Халықаралық «Еуразиялық білім беру» көрмесіне толық қатысып қайтты. Бұл шара біздің болашақ түлектеріміз үшін мамандық таңдауда таптырмас мүмкіндік болды! ✨

Көрме аясында оқушыларымыз Ресей мен Еуразия кеңістігінің ең беделді жоғары оқу орындарының өкілдерімен тікелей тілдесті. Атап айтқанда, мынадай ірі білім ордаларының бағдарламаларымен танысты: МГИМО (Мәскеу мемлекеттік халықаралық қатынастар институты);Г.В. Плеханов атындағы Ресей экономикалық университеті;Омбы мемлекеттік медицина университеті;Омбы мемлекеттік техникалық университеті;Пермь мемлекеттік ұлттық зерттеу университеті;
Түмен мемлекеттік университеті;Красноярск мемлекеттік аграрлық университеті;Қазан мемлекеттік энергетика университеті;Алабуга және т.б. үздік оқу орындары.

Оқушылар гранттар, жатақхана жағдайы және оқуға түсудің ерекшеліктері туралы барлық сауалдарына жауап алды. Әсіресе, техникалық, медициналық және гуманитарлық бағыттағы факультеттерге деген қызығушылық жоғары болды.