"Оқу - тәрбие үрдісіндегі инновациялық технологияларды енгізу негізінде оқушының тұлғалық қабілеттеріі мен мұғалімнің кәсіби құзыреттілігін арттырудағы әдістемелік жұмыс"

Мектебіміздегі әдістемелік жұмыстың мақсаты: мұғалімдердің педагогикалық кәсіби шеберлігін, шығармашылығын жетілдіріп, дамытуда тиісті әдістемелік көмек беру.
          Мектепте 4 әдістемелік комиссия жұмыс істейді. Әдістемелік комиссияның жұмыс жоспары белгілі бір жүйелі құрылымда жасалып, іске асырылуда.
  Әр кезеңіне арналған эксперимент-тәжірибе жұмысының жоспар бойынша жұмыс атқарылып, оған талдау жасалынады онда әрбір комиссия мүшелерінің жеткен жетістіктері, олардың зерттеу жұмыстары, кәсіби деңгейінің өсу диагностикаларының   қорытындылары көрсетіледі.
 Білім жүйесін дамытуға байланысты мұғалім еңбегін зерттеп, саралап, шеберліктерін шыңдау мақсатымен мектепішілік, қалалық, облыстық семинарлар, конференциялар, коучингтер, шығармашылық есептер, пән олимпиадалары, апталықтар, онкүндіктер, шебер сыныптар, ашық сабақтар, бас қосулар өткізіліп тұрады.