Қ.Нұрғалиев атындағы №43 мектеп-лицейінің 5-11 сынып ұлдары арасында «Тәртіп- тәрбие бастауы» тақырыбында ұлдар жиналысы өтті. Жиналыс барысында мектептің ішкі тәртіп ережесі, қоғамдық орындардағы тәртіпті сақтау, буллинг және кибербуллинг туралы, қауіпсіздік ережелерін сақтау жайлы  балаларға баяндама жасалды.

Қ.Нұрғалиев атындағы №43 мектеп-лицейінің 5-7  сынып қыздарымен «Қыздардың жеке бас гигиенасы» тақырыбында  №1 поликлиниканың  гинеколог- дәрігері  Нұрманбекова Жанель Улукбековна дәріс  өткізді. Дәріс барысында қыз балалардың жеке бас гигиенасы, достарымен және құрбыларымен күнделікті қарым- қатынаста жаман әдеттерден аулақ болу қағидалары туралы айтылды.

7- сәуір күні 8-11 сынып қыздары арасында «Кәмелетке толмағандардың қылмыстық жауапкершілігі» тақырыбында  мектеп инспекторы, ҚТІБ УПИ полиция капитаны Төкенова А.А. құқықтық дәріс оқыды. Мақсаты:   кәмелетке толмағандар арасындағы қылмыстық жауапкершілік бойынша баптармен таныстыру,  буллинг және кибербуллингдің, жасөспірімдер арасында құқық бұзушылықтың алдын алу.

6- сәуір күні Қ.Нұрғалиев атындағы №43 мектеп-лицейінің 9 "Б" сынып оқушылары  ZOOM платформасында Алматы қаласының психолог- профориентаторы Бауыржан Шорманов өткізген  онлайн семинарға қатысты. Семинар тақырыбы “Мамандықты таңдау кезіндегі жіберілетін қателіктер”, семинар барысында  оқушылар өздерін толғандырған сұрақтарын қойып, болашақ мамандықтары бойынша пайдалы кеңестер алды.

4 сәуір күні 6"Г" сыныбында "Отбасы құндылықтары" тақырыбында тәрбие сағаты өтті. Тәрбие сағатының мақсаты: отбасы туралы   ұғымдарды кеңейту, оны  сүйе білуге, отбасы игілігі үшін  талмай еңбек етуге үйрету. Оқушылар тәрбие сағаты барысында отбасы құндылықтар ағашы жайлы ойларымен бөлісті.

Қ.Нұрғалиев атындағы № 43 мектеп-лицейінің 9"А" сынып оқушылары "1-сәуір құстар күніне " арналған акцияға қатысты. Мақсаты:оқушыларға экологиялық тәрбие беру, құстарды қорғау, ұя жасап қарсы алуға өз үлестерін қосты.

“Ақтабан шұбырынды, Алқакөл сұлама” тарихи оқиғасының 300 жылдығына арналған  іс-шаралар шеңберінде өткен тәрбие сағаттары мен кітап көрмесі .

Тарих пәнінің мұғалімі Роза Сарқытбекқызы “Ақтабан шұбырынды, Алқакөл сұлама” тарихи оқиғасының 300 жылдығына байланысты оқушылармен сыныптан тыс іс-шара өткізді. Шара барысында оқушылар сонау бір қасіретке толы жылдарын еске алды. Сабақтан соң оқушылардың бойынан ұлтының тағдырына деген жанашырлық және патриоттық сезімі байқалды.

28 наурыз күні «Ақтабан шұбырынды, Алқакөл сұлама» тарихи оқиғасына 300 жыл толуына орай 8- сынып оқушыларына «Қазақ елінің дербестігі үшін күрес» тақырыбында дөңгелек үстел ұйымдастырылды. 1723-1727 жылдар қазақ халқының жадында тарихтағы қиын кезеңдердің бірі ретінде қалды. 1722 жылы ойраттармен ұзақ уақыт соғысқан цин боғдыханы Канси қайтыс болғаннан кейін Қытаймен шекарада біраз орнаған тыныштық Цеван-Рабданның Қазақстанға жаңа күшті соққы беруіне мүмкіндік берді. Осылайша 1723 жылдың

Мектебімізде қазақ тарихындағы қасіретке толы “Ақтабан шұбырынды, Алқакөл сұлама” оқиғасының 300 жылдығына байланысты пікірталас  өтті. “Ақиқат” дебат клубының ойыншылары өз ойларын жалынды аргументтермен жеткізіп, ерекше белсенділіктерімен көзге түсті.