2023 жылы 27 қыркүйек күні Қ.Нұрғалиев атындағы №43 мектеп- лицейінде жер сілкінісі дабылы бойынша сейсможаттығулар және эвакуациялық жаттығулар өтті.Мектеп оқушыларымен ұжымы қауіпсіз алаңға шығарылды.

26 қыркүйек күні 8-11 сынып оқушыларымен ҚР ҰҚК Шекара академиясы қызметкерлері капитан Қайрашев М.Т., аға лейтенант Қадылов Э.Б. кәсіптік бағдар беру мақсатында кездесу өткізді. Кездесу барысында ҚР ҰҚК Шекара қызметі академиясы оқу орны туралы бейнеролик көрсетіліп, сонымен қатар оқу орны , дайындалатын мамандықтар жайлы толық ақпарат берілді.

"Ақиқат" дебат клубы мүшелерінің жұмыс жоспары бойынша кіші және орта топ отырысы. Жетекшісі тарих пәні мұғалімі Сәрсембі Н.Б.

7В сыныбында «Адал азамат-адал еңбек» тақырыбында тәрбие сағаты өтті. Оқушылар адал еңбек ету үшін болашақ мамандықты дұрыс таңдау керек деген ой тұжырымдады. Оқушылар өздерінің болашақ мамандықтары туралы айтып берді.

2023 жылдың 16 қыркүйегінде ҚР Экология және табиғи ресурстар министрлігі World clean up day Дүниежүзілік акциясын жоспарлауына орай, Шығыс Қазақстан облысы білім басқармасы Өскемен қаласы бойынша білім бөлімінің “Қ. Нұрғалиев атындағы №43 мектеп -лицейі” КММ -де мектеп ауласын тазалау жұмыстары ұйымдастырылды. Сенбілікте мектеп аумағы қоқыстан,қураған жапырақтардан  тазаланды.

"Қазақстан болашағы" қоғамдық қоры ұйымдастырған "Девиантты мінез- құлықтың алдын-алу" жобасы шеңберінде 8-9 сынып қыздарымен "Ерте жүктіліктің алдын алу және жеке гигиена, қауіпсіздік сабақтары" тақырыбында арнайы маман Бактыбаева Н. дәріс оқыды.

14 қыркүйек күні мектепішілік ата- аналар жиналысы өтті,жиналыста  жаңа оқу жылындағы жаңалықтар мен өзгешеліктер, балаларға қатысты зорлық- зомбылықтың алдын-алу, кәсіптік бағдар беру, ата-аналар мен балаларға психологиялық қолдау көрсету мәселелері күн тәртібінде қаралды.

"Шығыс" алдын алу медициналық орталығы ММ мамандары "Дұрыс тамақтану- денсаулық кепілі" тақырыбында 3- сынып оқушыларына денсаулық сағатын өткізді. Мақсаты: оқушыларды дұрыс тамақтану мәдениетімен, әдебімен таныстыру, пайдалы және пайдасыз тамақтар туралы түсінік беру. Дұрыс тамақтану-денсаулық негізі қағидасын насихаттады. 

12 қыркүйек күні ҚТІБ аға УПИ полиция капитаны А.А.Токеновамен 8-11 сынып оқушылары арасында «Әкімшілік құқықбұзушылық», Кәмелектке толмағандар арасындағы құқық бұзушылықтар» , «Шылым шегу, алкогольді ішімдіктер», «Интернет алаяқтық», «Жол жүру ережелері» тақырыптарында және түнгі уақытта жүру, мектеп ережесі туралы құқықтық дәріс оқыды. 

"Төрт тоқсан- төрт өнер" ұлттық мәдени -ағартушылық жобасы аясында 1- тоқсанда "Ақындар айтысы" жобасы шеңберінде мектебімізде әртүрлі  іс- шаралар өткізілді.  Мақсаты: ұлттық рухпен патриотизмді, өз халқына және оның дәстүрлеріне құрмет сезімін тәрбиелеу. Мектеп оқушылары мәдениет қайраткерімен кездесуге қатысты, акт залында  айтыс өнеріне арналған көркем әдеби шығармалармен танысты. Мектебіміздегі "Жұлдыз" өнер мектебіне қатысатын оқушылар өз өнерлерін көрсетті.