Қара өлеңнің Хантәңірі М.Мақатаевтың 90 жылдық мерейтойына арналған «Өмір-өзен» атты апталықтың ашылуы.

 1-6 ақпан   аралығында  мектебімізде  гуманитарлық  бағытта  оқытылатын пәндердің   апталығы  өтті. Апталық   қара    өлеңнің   Хантәңірі     М.Мақатаевтың  90  жылдық  мерейтойына  арналған   «Өмір-өзен» атты  тақырыбымен  ашылды. Соңына  өшпестей   із қалдырған  ақиық  ақын Мұқағали  Мақатаевтың  өмірімен   және  шығармашылығымен  таныса отырып,  жас   ұрпақты  әсемдікке, елжандылыққа,поэзияны сүюге  тәрбиелеу мақсатында  өткізілген    мәдени   шараға  5-7-сынып оқушылары  белсене қатысты. Шара  кезінде    ақынның өміріне қатысты бейнебаян көрсетіліп,  жүрек  тебірентер тамаша  әндері    орындалып, сезімге  толы  өлеңдері   оқылды.  Өлең-жырдың   ерен  жүйрігі, талантты  тұлға    Мұқағали  ақынның шығармашылығының   бүгінгі  жас   ұрпаққа  берер  тағылымы   мол.Ендеше, осындай  ұрпағы  барда   Мұқағали   жырлары    мәңгілік   болмақ!