Қазақстан Республикасының Тәуелсіздік күніне арналған «Тәуелсіздік- тарих тұлпарының қос тізгіні» тақырыбында өткен онлайн дөңгелек үстел

 

                 15 желтоқсан 2020 жылы ZOOM  платформасында 8-11 сынып оқушылары және сынып жетекшілері, тарих пәні мұғалімдері,АӘД пәні мұғалімі және  ата-аналардың қатысуымен Тәуелсіздік күніне арналған «Тәуелсіздік - тарих тұлпарының қос тізгіні» тақырыбында онлайн дөңгелек үстел өтті. Мақсаты: Тәуелсіздіктің мәнін терең ашып түсіндіру,елін, жерін сүюге, Отанын қастерлеуге, елжандылыққа, адамгершілікке, шыншылдыққа тәрбиелеу, оқушыларды еліміздің жеткен жетістіктерімен таныстыру. Дөңгелек үстел барысында тарих пәні мұғалімі Орамалова А.Ж. «Елімнің еркіндігі- Тәуелсіздік» атты баяндама жасады. Тәуелсіздік жылдарындағы жетістіктер хронологиясы талданып, естеліктер айтылды,8-сынып оқушысы Тлеуғазы  Жігер Қ.Сариннің «Тәуелсіздік» өлеңін нақышына келтіріп  оқыды. Бұл- еліміз үшін біртұтас елдіктің,ынтымақтастық пен татулықтың, сонымен қатар өткенге тағзым ету,салауат пен болашаққа деген сенімі мол күн. Еліміздің ұлы тарихына, аға ұрпақтардың қаһармандық өмір жолына құрметпен басымызды иіп, Отанымызға деген құрмет сезімін ұялататын ата- бабаларымыздың сара жолындағы іс-әрекетті жалғастыру-біздің  парызымыз.Біз осы жолда аянбай еңбек етеміз дегенге нық сенімдіміз.