Берікбол Көпенұлының шығармашылық әлемімен танысу

Мектебіміздің  6 "А" сынып оқушылары Балалар және жасөспірімдер кітапханасында ел арасында «ағашаяқ» атымен кең танылған әйгілі күйші Берікбол Көпенұлының шығармашылық әлемімен танысты. Айналасына ақындығымен де аты шыққан, қуақы әзілімен өз ортасының көркіне айналған, екі аяғына бақан байлап жүгіріп, шөгіп жатқан түйелердің үстінен аттап өтіп, ат үстінде шауып келе жатып, аузымен жерден тақия ілу сияқты цирк ойындарын да шебер меңгерген тамаша талант иесі Берікбол Көпенұлы жайлы тағылымға толы ақпараттарға қанық болған оқушылар берілген сұрақтарға қызыға жауап беріп, «Мен кіммін?» ойынын ойнап, сөзжұмбақтар шешті.Сабақ соңында балалар дәстүрлі әнші Рамазан Стамғазиевтің орындауындағы Берікбол Көпенұлының «Ағашаяқ» әнін тыңдады.