«Суицид қаупінің алдын алудағы ата-аналардың рөлі» тақырыбында ата-аналар жиналысы өтті

Бүгін 6 "Б" сынып оқушыларының ата-аналарымен «Суицид қаупінің алдын алудағы ата-аналардың рөлі» тақырыбында ата-аналар жиналысының отырысы ұйымдастырылды.

Жиналыс барысында ата-аналар баламен қарым-қатынас стилінің оның психикалық денсаулығына тікелей ықпал ететінін терең түсініп, өзара тәжірибе алмасты.

Қатысушылар сенімді әрі қолдаушы байланыс орнатудың маңыздылығына тоқталып, отбасындағы жылы диалогтың баланың ішкі әлеміне әсері зор екенін атап өтті.

Жиын соңында ата-аналар арнайы сауалнама толтырып, кері байланыс берді.

"Бала қауіпсіздігі – баршамыздың ортақ міндетіміз. Бірлесе әрекет етсек, олардың психологиялық әл-ауқатын сақтай аламыз!" – деп кездесу қорытындыланды.
Сынып жетекші: А.Е.Хамитжанова