Қ.Нұрғалиевтің 100 жылдық мерейтойына арналған "Тағылымды тағдыр" атты мерекелік іс-шара өтті

2025 жылдың 24 қазанында Өскемен қаласы "Қ.Нұрғалиев атындағы №43 мектеп-лицейінде" КСРО Халық мұғалімі Қ.Нұрғалиевтің 100 жылдық мерейтойына арналған   "Тағылымды тағдыр" атты мерекелік іс-шара өтті. Іс - шараның мақсаты: Қ.Нұрғалиевтің педагогикалық мұрасы мен ерлігін дәріптеу. 
Шара барысында  "Нұрғалиевтің нұрлы ордасы" атты әдістемелік кітап және "Кәсіби шеберлікті дамытуда Қ.Нұрғалиевтің педагогикалық мұрасының рөлі" атты ғылыми кітаптардың тұсаукесері өткізілді.  Халық мұғалімінің ұлы Талант Құмашұлы мен келіні Майгуль Зиябековна,  шәкірттері, Құмаш атаның көзін көрген замандастары өз ойларымен, естеліктерімен  бөлісті. Қ.Нұрғалиевтің балалық шағы, жастық шағы мен педагогикалық ғұмырынан сыр шерткен қойылым көрермендер жүрегінен орын тауып, жас ұрпаққа тағылымы мол шара болғанын атап айтуға болады.