06
май
2024
Жеңіс күніне орай сынып сағаты өтті
3"В" сыныбында 9 мамыр Жеңіс күніне орай сынып сағаты өтті. Сынып сағаты барысында от кешкен ұлы майдангер батырлардың есімі жаңғырып, ерен есімдері, батырлықтары жөнінде мәтіндер оқылып, талқыға салынды. Ең есте қаларлығы сынып оқушысы Ахметбек Сезім 101 жастағы Ұлы Отан соғысына қатысқан батыр атасы Зәкен Құрманғожанов туралы деректі фильм көрсетіп, өмір жолдарынан қысқаша баяндады. Сезім атасының соғыста Алматыда құрылған 316-атқыштар дивизиясында болып, 8 өлімнен аман қалғанын, ал бір оқ әлі қабырғасында тұрғанын, танкінің ішінде жарылып кете жаздаған, «өлді» деп тірідей көміп тастамақшы да болғанын әңгімеледі.