«Ақ ниетпен ақ тілек» атты салт-дәстүр сағаты

Ризашылық — адамның басқа адамнан көрген жақсылығы, көмегі, көңілі үшін қанағаттанушылық және алғыс білдірушілік сезімі. Бұндай сезім біздің елімізде тұрып жатқан барлық ұлттардың бойынан табылады. Ықылас күнінде мектебіміздің  3 "А" сынып оқушыларына Облыстық балалар және жасөспірімдер кітапханасында өткен «Ақ ниетпен ақ тілек» атты салт-дәстүр сағатына қатысты.  Ақ жарма тілекке толы шара тәтті тілекпен басталып оқушылар бір-біріне деген ақ пейілдерін әр тілде алғыс сөздерімен арнады. Тосын сыйға толы мереке «Шаттық book!» ойынымен жалғасып, балдырғандар түрлі тәтті сыйлықтарға ие болып, жасырынған  тапсырмаларды орындады. Шараға елімізде мекен етіп жатқан бауырлас ұлт өкілдері қонаққа келіп, шуақты мерекемен құттықтады. Ыстық ықыласқа толы  мерекелік кеште оқушылар қазақ, орыс, корей халықтарының салт-дәстүрлерімен танысып, корей халқының «Тухонори», орыс халқының «Горелки», қазақ халқының «Түйме алу» ұлттық ойындарын ойнап, «Мамандыққа мың алғыс!» ойынымен қортындыланып талантты балдырғандар, дәрігерлерге, ұстаздарға, өрт сөндірушілерге өз ризашылықтарын білдірді. Келелі шара өнерлі оқушылар Мұхаметбек Шыңғыс пен Жәнібек Көркемнің орындауындағы әсем әнмен жалғасып, балдырғандар шат-шадыман күйде тарқасты.