«Толағай» спорттық сайысы

АПҚО және «Адал азамат» біртұтас тәрбие бағдарламасын іске асыру аясында Денсаулық күні және Отбасы күніне орай «Шығыс алдын алу медициналық орталығы» мемлекеттік мекемесімен бірлесіп, отбасылық «Толағай» спорттық сайысы өткізілді.

Сайыстың басты мақсаты — отбасы мүшелері арасындағы өзара ынтымақтастықты нығайту, салауатты өмір салтын насихаттау, спортқа деген қызығушылықты арттыру және бала тәрбиесіндегі отбасының маңызын айқындау.

Әкелер — күш пен жігерін,
Аналар — ептілік пен дәлдігін,
Балалар — шапшаңдық пен белсенділігін,
Ал отбасылар — бірлігін ортаға салды!

Жарыс барысында қатысушылар түрлі спорттық эстафеталар мен көңілді сайыстарда өзара бақ сынасып, ұйымшылдық пен командалық рухтың жарқын үлгісін көрсетті.

Спорт — денсаулық кепілі, ал отбасы — береке мен бірліктің бастауы!

Белсенділік танытып, сайысқа қатысқан барлық отбасыларға алғысымызды білдіреміз!