Заң мен тәртіп

Бүгін 9-сынып оқушыларымен «Заң мен тәртіп» тақырыбында мұражай қызметкерлерінің ұйымдастыруымен іс-шара өткізілді.
Мақсаты: оқушыларды құқықтық мәдениет пен тәртіптің мән-маңызымен тереңірек таныстыру.

Кездесу барысында халқымыздың ежелден келе жатқан асыл мұрасы — Жеті жарғы мен қазіргі замандағы заңдар салыстырылып, олардың ұқсастықтары мен айырмашылықтары кеңінен талқыланды. Ата-бабаларымыздың әділдікке, тәртіпке негізделген қағидалары бүгінгі құқықтық жүйемен үндесіп жатқаны оқушыларға ерекше әсер қалдырды.

Шара сұрақ-жауап форматында, ойын түрінде ұйымдастырылып, оқушылар топқа бөлініп белсенділік танытты. Әр топ өз білімін ортаға салып, тапқырлық пен зеректік көрсетті. Қызықты да тартымды өткен бұл кездесу оқушылардың заңға деген құрметін арттырып, құқықтық сауаттылығын нығайта түсті.

Осындай тағылымы мол кездесулер жас ұрпақтың санасына тәртіп пен жауапкершіліктің маңызын сіңіріп, болашаққа нық қадам жасауына жол ашады.