Түсіндіру жұмыстары өткізілді

«Құмаш Нұрғалиев атындағы №43 мектеп-лицейі» КММ-де Шығыс Қазақстан облысы білім басқармасының хатына сәйкес, елімізде соңғы жылдары лазерлік құрылғыларды пайдалану арқылы әуе кемелері экипаж мүшелерінің жұмысына кедергі келтіру фактілерінің жиілеп отырғаны туралы түсіндіру жұмыстары жүргізілді.

Ашық ресурстарда ұсынылған деректерге сәйкес, соңғы алты жыл ішінде жолаушылар әуе кемелері экипаждарының көзін шағылыстыруға байланысты шамамен 100-ге жуық жағдай тіркелгені хабарланады.

Осыған байланысты, Қазақстан Республикасының 2014 жылғы 3 шілдедегі №226-V ҚРЗ Қылмыстық кодексінің 352-1 бабына сәйкес, лазерлік құрылғыларды немесе пилотсыз ұшу аппараттарын әуе кемесіне бағыттау арқылы әуе кемесін басқаруға кедергі келтіру әрекеті үшін екі жүз айлық есептік көрсеткішке дейін айыппұл салу немесе он жылға дейін бас бостандығынан айыру жазасы қарастырылғаны түсіндірілді.

Аталған әрекеттердің жоғары қоғамдық қауіптілігін ескере отырып, білім алушылар арасында түсіндіру жұмыстары жүргізілді.