Әдістемелік оқу
2023 жылдың 22 қыргүйегінде «Авторлық бағдарламаларды жазудың теориялық-практикалық негіздемесі» тақырыбында әдістемелік оқу өткізілді. Біліктілік санатын беру (растау) үшін жалпы орта білім беру ұйымы педагогінің портфолиосын бағалау өлшемшарттарының талабына сай мұғалімдердің авторлық бағдарламасы болу керектігі айтылды. Курс бағдарламасының құрылымы қалай жасалатыны туралы теориялық негіздеме берілді. Бағдарламаның мақсаты: оқушылардың танымдық қажеттілігін қанағаттандыру мақсатында ғылыми-зерттеу жұмыстарын ұйымдастыру жолдарын меңгерту және ғылыми жобаларға дайындалу жолдарын үйрету.
Міндеттері: ғылыми жобаны орындау бойынша жалпы ұсыныстарды беру, жоба мазмұнына қойылатын талаптарды үйрету;
жобаның құрылымы мен мазмұнын жазуды зерделеу; оқушыларға әртүрлі ақпарат көздерін қосымша оқу, анықтамалық әдебиетпен, мәліметтердің электрондық базасымен, каталог, картотекамен өздігінен жұмыс істей білу дағдыларын дамыту.